Бабруйск: Актывіст АГП Дзьмітры Тоўсьцік абвешчаны ў вышук

2011 2011-12-09T10:22:27+0300 1970-01-01T03:00:00+0300 be

Бабруйскі актывіст Аб’яднанай грамадзянскай партыі Дзьмітры Тоўсьцік абвешчаны ў вышук. Пра гэта паведамілі ў міліцыі яго жонцы Алене. Яна кажа, што на мужа заведзена крымінальная справа.

«Сьледчая не сказала ў чым вінавацяць Дзьмітрыя. Я запыталася — яна пачала некаму тэлефанаваць, потым выйшла з кабінэта — так і не сказала. Мне таксама не сказалі ў які менавіта вышук мужа абвясьцілі. Мне задавалі розныя пытаньні пра паводзіны мужа, ці забываўся ён нешта, ці апошнім часам паводзіў сябе нязвыкла. Гэта ўсё, каб атрымаць доказы, я так думаю, што ён нібыта ўжываў наркотыкі», — паведаміла «Свабодзе» Алена Тоўсьцік.

5 сьнежня ў пакоі інтэрнату, дзе жыве сям’я Тоўсьцікаў, быў праведзены ператрус, падчас якога нібыта былі выяўленыя факты захоўваньня Дзьмітрыем Тоўсьцікам наркатычных рэчываў. Пасьля ператрусу яго пратрымалі ў міліцыі да позьняй ночы — потым адпусьцілі. Назаўтра зноў выклікалі — пасьля чаго ён зьнік. У міліцыі сьцьвярджаюць, што да іх ён не дайшоў.

Алена і Дзьмітры Тоўсьцікі абвінавачваюцца ва ўдзеле ў несанкцыянаваным шэсьці са сьвечкамі ў руках 2 лістапада. Адміністрацыйную справу супраць іх меўся разглядаць Бабруйскі суд 7 лістапада. Працэс быў адкладзены з-за няяўкі на яго абвінавачаных.

Як кажа Алена Тоўсьцік з-за адміністрацыйнай справы яе сям’ю паставілі на ўлік як нядобранадзейную. Пра гэта паведаміла ёй супрацоўніца гарадзкой сацыяльнай службы, калі яна была ў лякарні. Цяпер спадарыня Тоўсьцік высьвятляе акалічнасьці пастаноўкі на ўлік. Дакумэнтаў, якія сьведчаць пра гэта, ёй ніхто не перадаваў і яна нічога не падпісвала.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international