У Магілёве Ірыну Трыгубаву будуць судзіць за наклееную ўлётку

2011 2011-12-08T18:18:12+0300 1970-01-01T03:00:00+0300 be http://spring96.org/files/images/sources/magil-palit-2.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд прызначаны на 14 снежня.

Актывістка Свабоднага прафсаюзу металістаў Ірына Трыгубава была затрымана каля трох тыдняў таму каля пад’езда аднаго з дамоў у мікрараёне Юбілейны.

“Я раскідвала ўлёткі аб палітвязнях “За нашу і вашу свабоду”! У адным з пад’ездаў я толькі наклеіла ўлётку, як ззаду да мяне падыйшоў незнаёмы чалавек, схапіў мяне і па тэлефоне некаму паведаміў, што ён мяне затрымаў”, - расказвае Ірына Трыгубава.

Пасля гэтага чалавек у цывільным даставіў жанчыну ў бліжэйшы пастарунак міліцыі, дзе на яе быў складзены пратакол аб адміністрацыйным правапарушэнні.

“У пастарунку ў мяне канфіскавалі застаўшыяся 30 улётак і клей”, - гаворыць Ірына Трыгубава.

Пасля з актывісткай сустракаўся ўчастковы міліцыянт Загорскі, які пытаў яе, ці жадае яна прысутнічаць на працэсе. Акрамя гэтага ён паведаміў, што жанчыну затрымліваў супрацоўнік КДБ.

 

Апошнія навіны

Партнёрства

Сяброўства