Працяг суду над Алесем Галаванем - 15 сьнежня

2011 2011-12-06T09:51:20+0300 1970-01-01T03:00:00+0300 be http://spring96.org/files/images/sources/galavan-alies.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

5 сьнежня ў Першамайскім райсудзе Віцебску распачаўся суд над Алесем Галаванем. Актывіста “Маладой Беларусі”, сябра ініцыятыўнай групы кандыдата ў прэзыдэнты Алеся Міхалевіча на леташніх выбарах затрымалі напярэдадні ўвечары, калі ён проста ішоў па горадзе. Нехта зь міліцыянтаў, што патрулявалі вуліцы, пазнаў у ім вядомага ў Віцебску грамадзка-палітычнага актывіста. Спадара Галаваня схапілі, склалі пратакол нібыта за знаходжаньне ў грамадзкім месцы ў нецьвярозым стане. Ноч Алесь правёў у міліцэйскім пастарунку.

Напачатку судовага паседжаньня Алесь Галавань заявіў адвод судзьдзі. Прычына заяўленага недаверу - судзьдзя Валянціна Кісьмярошкіна раней неаднаразова ўжо судзіла Алеся Галаваня і ягоных паплечнікаў і заўсёды выносіла абвінаваўчыя пастановы, якія, на думку актывіста, зьяўляліся несправядлівымі. Судзьдзя Кісьмярошкіна адхіліла заяўлены адвод. Судовы працэс працягнуўся.

Алесь Галавань заявіў суду два хадайніцтвы. Па-першае, ён папрасіў даць яму дадаковы час, каб заключыць дамову з адвакатам. Па-другое, было выказанае патрабаваньне прыцягнуць да суду перакладчыка на беларускую мову, бо абвінавачаны паводле адміністрацыйнага артыкулу не зусім добра валодае расейскай. Судзьдзя Кісьмярошкіна задаволіла гэтыя хадайніцтвы і перанесла далейшае разьбіральніцтва на 15 сьнежня.

“За правы чалавека”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international