Прысуд Алесю Бяляцкаму абскарджаны ў Менскім гарадскім судзе

Касацыйная скарга на прысуд суда Першамайскага раёна Менска праваабаронцу Алесю Бяляцкаму накіраваная 29 лістапада ў Менскі гарадскі суд. Скарга пададзена адвакатам Бяляцкага Дзмітрыем Лаеўскім.

У сваім апошнім слове старшыня праваабарончага цэнтру “Вясна” Алесь Бяляцкі яшчэ раз падкрэсліў, што адчувае сябе абсалютна невінаватым, і выказаў цвёрдае перакананне, што крымінальная справа “ад пачатку да канца мае палітычны падтэкст, і выступленне адваката і маё апошняе слова, нажаль, нагадваюць голас чалавека, які крычыць у пустыні і якому вельмі цяжка дакрычацца”.

Нагадаем, 24 лістапада суддзя Першамайскага суду Менска Сяргей Бандарэнка абвясціў прысуд віцэ-прэзідэнту Міжнароднай федэрацыі правоў чалавека, старшыні праваабарончага цэнтру “Вясна” Алесю Бяляцкаму: 4,5 гады ўзмоцненага рэжыму з канфіскацыяй маёмасці. Маёмасьць абвінавачанага, у тым ліку і зарэгістраваную на іншых асобаў, адабраць дзеля выкананння прысуду. Паводле рашэння суду, Бяляцкі таксама мусіць сплаціць 721 мільёнаў стратаў і 36 мільёнаў дзяржаўнай пошліны.