Украінскія праваабаронцы заклікалі сваю ўладу афіцыйна адрэагаваць на заключэнне Алеся Бяляцкага

2011 2011-11-28T10:45:02+0300 1970-01-01T03:00:00+0300 be http://spring96.org/files/images/sources/matvijchuk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Аляксандра Матвійчук

Аляксандра Матвійчук

Прадстаўнік Цэнтра грамадзянскіх свабод (Украіна), прадстаўнік Камітэта міжнароднага кантролю за сітуацыяй з правамі чалавека ў Беларусі Аляксандра Матвійчук заклікала Украіну даць афіцыйную ацэнку сітуацыі з палітычнымі пераследамі апазіцыянераў у Беларусі і ў сувязі з асуджэннем да 4,5 гадоў пазбаўлення волі беларускага праваабаронцы Алеся Бяляцкага.

Пра гэта праваабаронца заявіла 25 лістапада на прэс-канферэнцыі ў УНІАН.

Аляксандра Матвійчук адзначыла, што арганізацыі-сябры Камітэта міжнароднага кантролю за сітуацыяй з правамі чалавека ў Беларусі ініцыявалі выключэнне Беларусі з АБСЕ.

"Пасля прыняцця ўзгодненага рашэння Камітэта, у выпадку згоды ўсіх членаў, мы будзем глядзець і разглядаць гэты працэс выключэння", - патлумачыла праваабаронца.

Пры гэтым Аляксандра Матвійчук заўважыла, што ў склад Камітэта ўваходзіць больш за 40 праваабарончых арганізацый з 11 краін-сябраў АБСЕ.

Яна падкрэсліла, што праваабаронцы, якія выступілі з ініцыятывай адносна Беларусі, лічаць рашэнне суда па справе Алеся Бяляцкага нематываваным і палітычным, пры вынясенні якога былі праігнараваныя ўсе аргументы абароны.

Таксама праваабаронца нагадала, што ў чэрвені гэтага года адбылося пасяджэнне Камітэта міжнароднага кантролю за сітуацыяй з правамі чалавека ў Беларусі, на якім, у прыватнасці, былі разгледжаны падзеі ў краіне 19 снежні 2010 года - у дзень правядзення прэзідэнцкіх выбараў.

"Тады былі падрыхтаваныя рэкамендацыі да органаў улады з патрабаваннем і просьбай ажыццявіць пэўны шэраг дзеянняў. Нічога, на жаль, не было зроблена ...", - канстатавала праваабаронца.

Прысутны на прэс-канферэнцыі прадстаўнік Харкаўскай праваабарончай групы Васіль Аўсіенка адзначыў, што заключны акт Нарады па бяспецы і супрацоўніцтве ў Еўропе ад 1 жніўня 1975 г. прадугледжваў, што "выяўленне фактаў перасьледу людзей за перакананне з гэтага часу будзе выклікаць юрыдычна абгрунтаваныя прэтэнзіі іншых бакоў і больш не тлумачыцца як умяшальніцтва ва ўнутраныя справы краіны". Такім чынам, падкрэсліў ён, пытанне захавання правоў чалавека не з'яўляецца ўнутранай справай кожнай краіны.

"Правы чалавека універсальныя і сусветныя. І кожны грамадзянін павінен выступаць у абарону тых, каго пераследуюць за перакананне ў любой іншай краіне ... Калі Дзяржава Украіна не адрэагуе на факты парушэнняў правоў чалавека ў Беларусі, то яна робіцца парушальнікам Хельсінскага працэсу ", - заявіў Васіль Аўсіенка.

Аляксандра Матвійчук таксама паведаміла, што адна з міжнародных праваабарончых сетак просіць ААН аднавіць спецыяльнага дакладчыка па Беларусі. Пры гэтым яна адзначыла, што на Беларусь могуць паўплываць толькі ААН і АБСЕ.

"Такім чынам, мы чакаем афіцыйны адказ Кіева, адказ прадстаўнікоў грамадзянскай супольнасці ў сувязі з татальным парушэньнем правоў чалавека, і ў тым ліку на ініцыятыву Камітэта міжнароднага кантролю за правамі чалавека ў Беларусі, які мы спрабавалі прадставіць ўчора", - сказала Аляксандра Матвійчук.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international