Шэсць апазіцыйных арганізацый патрабуюць вызвалення Алеся Бяляцкага

2011 2011-11-25T12:55:44+0300 1970-01-01T03:00:00+0300 be http://spring96.org/files/images/sources/bialacki_vybary.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Партыі БНФ, АГП і “Справядлівы свет”, Рух “За свабоду”, кампанія “Гавары праўду” і аргкамітэт па стварэнні партыі БХД прынялі супольную заяву, у якой яны выказалі пратэст у сувязі з выракам Алесю Бяляцкаму.

Вось поўны тэкст заявы:

24 лістапада 2011 года суддзя Першамайскага раёна г.Мінска Сяргей Бандарэнка вынес прысуд праваабаронцу Алесю Бяляцкаму, прызнаўшы яго вінаватым у здзяйсненні злачынства, прадугледжанага ч.2 артыкула 243 КК Рэспублікі Беларусь (ухіленне ад выплаты сум падаткаў у асабліва буйным памеры).

Суд прыгаварыў Алеся Бяляцкага да 4 гадоў і 6 месяцаў пазбаўлення волі ў калоніі ўзмоцненага рэжыму з канфіскацыяй маёмасці. Апроч гэтага, праваабаронца мусіць сплаціць дзяржаве 721 мільён стратаў і 36 мільёнаў судовых выдаткаў.

Мы, партыя БНФ, партыя “Справядлівы свет”, Аб’яднаная грамадзянская партыя, рух “За свабоду!”, аргкамітэт па стварэнні партыі БХД і кампанія “Гавары праўду”, заяўляем аб тым, што выненсены Алесю Бяляцкаму прысуд ёсць сведчаннем парушэння шматлікіх крымінальна-працэсуальных норм і правілаў правядзення судовага разбіральніцтва.

Так, ужо 4 жніўня, з самага пачатку затрымання Алеся Бяляцкага, у дачыненні да яго была незаконна ўжытая мера стрымання ў выглядзе ўтрымання пад вартай. Следства, ігнаруючы адпаведнае прадпісанне з боку пракуратуры, адмовілася звярнуцца да фондаў, што пералічвалі сродкі Алесю Бяляцкаму, з запытам аб мэтавым прызначэнні сродкаў.

Судовы працэс яскрава прадэманстраваў, што ў дзяржаўнага абвінаваўцы наогул адсутнічаюць доказы віны Алеся Бяляцкага. На судзе так і не быў пацверджаны сам факт атрымання Алесем Бяляцкім сродкаў, бо матэрыялы афіціыйных органаў Літвы і Польшчы наконт іх атрымання не былі аформленыя належным чынам.

Калі нейкая афіцыйная установа дае пэўную інфармацыю пра сваіх ці замежных грамадзян і гэтай інфармацыяй карыстаюцца ў судовым працэсе, то на такіх матэрыялах павінны стаяць подпісы і пячаці. Не аформленыя належным чынам афіціыйныя дакументы перастаюць быць дакументамі, і абвінаваўца не можа карыстацца імі пры доказе віны.

Каб у Беларусі быў незалежны суд, то суддзя С.Бандарэнка звярнуў бы ўвагу абвінаваўцы на гэтую акалічнасць. Аднак суддзі ў Беларусі, калі справа тычыцца апанентаў улады, займаюцца не пошукам ісціны, а выключна пошукам фармулёвак, згодна з якімі нявінны чалавек трапляе за краты.

Мы перакананыя, што прысуд Алесю Бяляцкаму палітычна матываваны, носіць незаконны характар і таму падлягае безумоўнай адмене.

Гэтаксама павінны быць рэабілітаваныя усе тыя, хто быў асуджаны з палітычных прычын у сувязі з падзеямі 19 снежня 2010 года і ў ранейшы час.

Свабоду Алесю Бяляцкаму!

Свабоду ўсім палітвязням!

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international