Удзельнікаў Народнага сходу ў Гомелі будуць судзіць

2011 2011-11-25T11:35:51+0300 1970-01-01T03:00:00+0300 be http://spring96.org/files/images/sources/narodny-shod.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праз больш чым паўтары месяцы пасля правядзення першага этапу Народнага сходу ў Гомелі ўлады вырашылі прыцягнуць да адказнасці яго ўдзельнікаў. Нагадаем, пры правядзенні другога этапу Народнага сходу, 12 лістапада, у Гомелі былі затрыманы 15 чалавек. Усіх іх завезлі ў аддзел міліцыі, але затым адпусцілі. Сярод затрыманых былі таксама журналіст Мікола Бянько і правабааронца, сябра БХК Віктар Адзіночанка.

На чатырох затрыманых — Іллю Міронава, Дзмітрыя Карашкова, Васіля Такарэнку і Ксенію Яраслаўцаву былі складзены адміністрацыйныя пратаколы за «парушэнне парадку правядзення масавага мерапрыемства». Прычым пратаколы былі складзены як за ўдзел у Народным сходзе 8 кастрычніка, так і за ўдзел ў другім этапе сходу, 12 лістапада.

Разгляды адміністрацыйных спраў пройдуць у судзе Чыгуначнага раёна Гомеля. Дарэчы, Ілля Міронаў і Дзмітрый Карашкоў ужо прыцягваліся да адміністрацыйнай адказнасці па артыкулу 23.34 КаАП (парушэнне парадку правядзення масавага мерапрыемства). Дзмітрый Карашкоў быў пакараны «суткамі» за распаўсюд запрашэнняў на маўклівую акцыю пратэста, а Ілля Міронаў быў арыштаваны на 10 сутак за нібыта распаўсюд інфармацыйных матэрыялаў да Народнага сходу.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international