Бабруйскія супрацоўнікі КДБ змагаюцца з “Новым часам”

2011 2011-11-18T17:02:29+0300 1970-01-01T03:00:00+0300 be http://spring96.org/files/images/sources/novy_chas1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Супрацоўнікі бабруйскага КДБ папярэдзілі кіроўцоў маршрутак аб тым, што прывозіць у Бабруйск газету “Новы час” нельга, інакш у іх будуць вялікія праблемы. Пра гэта паведаміла грамадская актывістка з горада Бабруйска Вольга Піманава, якая ўжо на працягу некалькіх гадоў распаўсюджвае газету ў Бабруйску сярод сяброў і знаёмых

“Нам на працягу ўжо некалькіх гадоў з Мінска перадаюць праз кіроўцаў маршрутных таксі газету “Новы час”, якая з’яўляецца зарэгістраваным выданнем і можа распаўсюджвацца абсалютна свабодна, - распавядае Вольга Піманава. – Я тут у Бабруйску распаўсюджваю газету сярод сяброў і знаёмых, проста сярод людзей, для якіх цікавая гэта газета. Трэба сказаць, што і больш людзей зараз сталі чытаць у Бабруйску “Новы час”. Калі раней я распаўсюджвала 200 экзэмпляраў, то на працягу апошніх месяцаў і 400 не заўсёды хапала. Аднак на гэтым тыдні газету мне не прывезлі. Кіроўца маршруткі, праз якую перадавалі “Новы час” ужо доўгі перыяд, сказаў, што больш прывозіць газету не будзе, бо з ім пагутарылі супрацоўнікі бабруйкага КДБ і паабяцалі вялікія праблемы. Іншыя кіроўцы таксама адмаўляюцца дастаўляць газету, бо з імі ўсімі адбылася “прафілактычная гутарка” з удзелам супрацоўнікаў праваахоўных органаў. Мяне гэта вельмі здзівіла, наколькі я ведаю, у іншых рэгіёнах такіх праблем з распаўсюдам “Новага часу” не ўзнікала, гэта ж афіцыйна зарэгістраваная газета”.

Па словах Вольгі Піманавай, зараз бабруйскія грмадскія актывісты думаюць над пытаннем, як арганізаваць дастаўку газеты ў горад на Беразіне. 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international