Пракурор падтрымаў адмову выканкама аб забароне марафонскай хадзьбы

15 лістапада баранавіцкі прадпрымальнік Мікалай Чарнавус атрымаў адказ з раённай пракуратуры на сваю заяву ў сувязі з адмовай райвыканкаму ў дазволе на правядзенне марафонскай хадзьбы па вуліцах вёскі Вялікая Каўпеніца. Нагадаем, што заяву грамадскі актывіст падаў у райвыканкам 21 кастрычніка, але яна была зарэгістравана толькі праз 4 дні, таму падставай для забароны стала нібыта “парушэнне” заяўнікам тэрміну падачы заявы. У сувязі з гэтым Мікалай Чарнавус звярнуўся да раённага пракурора і пісьмова падцвердзіў, што ён не парушыў тэрмін падачы заявы і прасіў пракурорскага рэагавання на гэты факт.

З адказу раённага пракурора А.Смаля фактычна вынікае, што ён не жадае прыцягнуць да адказнасці супрацоўнікаў райвыканкама, чым фактычна ўхіліўся ад адказу па сутнасці праблемы.

- Цяпер я вымушаны звярнуцца да абласнога пракурора і прасіць яго адмяніць незаконнае рашэнне Баранавіцкага райвыканкама аб забароне марафонскай хадзьбы,- паведаміў Мікалай Чарнавус.