Гомельская зняволеная паскардзілася ў суд на ўмовы ўтрымання ў СІЗА

2011 2011-11-10T10:53:21+0300 1970-01-01T03:00:00+0300 be http://spring96.org/files/images/sources/kraty.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд Цэнтральнага раёна Гомеля 9 лістапада не задаволіў іск зняволенай жыхаркі Гомеля Галіны Працко, якая патрабавала спагнаць кампенсацыю за маральную і фізічную шкоду з гомельскага следчага ізалятара (СІЗА-3). У заяве ў суд яна сцвярджала, што падчас зняволення набыла некалькі хвароб, у прыватнасці, захворванне нервовай сістэмы, хваробу Рэйно, захворванні унутраных органаў, скуры, педыкулёз. Зняволеная даводзіла, што медычная дапамога ёй не аказвалася, і таму яна набыла столькі захворванняў.

27-гадовая жанчына больш за год знаходзілася у гомельскім СІЗА, бо столькі цягнулася следства па абвінавачванні яе ў здзяйсненні крымінальнага злачынства - гандлю людзьмі. Першапачаткова жанчыну пакаралі пазбаўленнем волі на 7 гадоў. Але ў выніку шматлікіх скаргаў абласны суд перакваліфікаваў абвінавачванне і змякчыў прысуд на пяць гадоў. Прычым артыкул «гандаль людзьмі» быў наогул ануляваны ў абвінавачванні. У рэшце жанчына пакарана 2 гадамі калоніі за ўцягванне ў занятак прастытуцыяй.

У сваёй заяве, у якой яна скардзілася на адміністрацыю і супрацоўнікаў СІЗА, жанчына адзначыла, што ёй прычынены фізічныя і маральныя пакуты, здароўю нанесена непапраўная шкода, наступствы якой яшчэ няясныя. Жанчына дадае, што не выключае і латальны зыход, калі дадзеныя хваробы не спыняць прагрэсію.

«Яна прасіла аб дапамозе гінеколага, паколькі у яе назіралася кровацячэнне і іншыя гінекалагічныя праблемы. Таксама ў дачкі былі праблемы з пазногцямі на нагах. Турэмныя лекары паставілі дыягназ «грыбок» і выпісалі лекі, але праблемы працягваліся. Пазней медыкі паставілі ўжо зусім іншы дыягназ. Скаргі ў пракуратуру і медсанчасць не давалі выніку. Адміністрацыя пастаянна праводзіла гутаркі аб недапушчальнасці падобных скаргаў», - распавёў бацька зняволенай Аляксандр Працко, які быў на судзе законным прадстаўніком жанчыны. Яна ў гэта час знаходзіцца ў калоніі.

У сувязі з тым, што СІЗА не аказвала належнай медыцынскай дапамогі, жанчына праз свайго бацьку патрабавала грашовую кампенсацыю маральнай і фізічнай шкоды ад адміністрацыі ў памеры 45 мільёнаў рублёў. Аднак суддзя Сяргей Шыцікаў кваліфікаваў дзеянні супрацоўнікаў і адміністрацыі СІЗА як законныя і не задаволіў скаргу. «Я не асабліва разлічваў на задавальненне нашай скаргі, бо не веру ў беларускае правасуддзе», - адзначыў Аляксандр Працко.

Тым не менш, бацька зняволенай намераны далей адстойваць правы сваёй дачкі. Ён падаў заяву ў Першамайскі суд Мінска на Белтэлерадыёкампанію. 19 жніўня ў адным з сюжэтаў канал паказаў здымкі з затрыманнем ягонай дачкі, на якіх быў добра відаць яе твар. На той час дачка не была прызнана вінаватай, таму тэлекампанія парушыла правы жанчыны.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international