Бабруйск: Канстанціна Локцева будуць судзіць

Старшыню аргкамітэта Народнага схода, які прайшоў у Бабруйску 8 кастрычніка, дапыталі сёння ў УУС. Канстанцін Локцеў паведаміў, што на яго склалі пратакол аб адміністратыўным парушэнні.

-Дапытваў мяне той жа капітан міліцыі Ганчароў, які нядаўна складаў пратакол на Віктара Бузінаева, аднаго з сябраў аргкамітэта, - распавядае Канстанцін Локцеў. – Ён патэлефанаваў мне з раніцы, і я прыехаў. Заявіў, што мяне будуць судзіць, каб чакаў павесткі у хуткім часе. Абвінавачваюць у арганізацыі несанкцыянаванага мерапрыемства. Мяркую, пакараюць штрафам.