У Свіслачы ўшанавалі паўстанцаў

2011 2011-10-31T12:15:00+0300 1970-01-01T03:00:00+0300 be http://spring96.org/files/images/sources/svislach-2.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

 Напярэдадні Дзядоў у Свіслачы на Гарадзеншчыне 16-ы год запар адзначылі Дзень памяці паўстанцаў 1863 году. Акцыя памяці прайшла ў традыцыйным фармаце: спачатку прысутныя наведалі магілу Віктара Каліноўскага, ідэолага паўстання, старэйшага брата Кастуся Каліноўскага. Там былі кароткія прамовы, запальванне знічак, хвіліна маўчання і спеў гімну “Магутны Божа”. Затым удзельнікі акцыі скіраваліся ў цэнтр гораду, дзе ўсклалі кветкі да помнікаў Кастусю Каліноўскаму і Рамуальду Траўгуту.

Перад прысутнымі выступалі краязнаўцы і палітыкі. Анатоль Лябедзька адзначыў актуальнасць змагання за незалежнасць і назваў зніклых у 1999-ым годзе палітыкаў прадаўжальнікамі справы паўстанцаў. Затым калона з аўтамабіляў і аўтобуса скіравался ў Якушоўку – колішні родавы фальварак Каліноўскіх. Мясцовыя актывісты расказалі пра гісторыю сядзібы, новыя сябры Маладога фронту склалі прысягу ля памятнага крыжа.

Дзень памяці паўстанцаў 1863 году сабраў сёлета каля 90 грамадска-палітычных актывістаў з розных рэгіёнаў Беларусі – Гародні, Свіслачы, Мінску, Берасьця, Кобрыня, Мастоў, Бярозаўкі, Ваўкавыску. Увесь час супрацоўнікі сілавых структураў у цывільным здымалі акцыю на відэа, удзельнікаў суправаджаў таксама картэж з некалькіх міліцэйскіх аўтамабіляў.    

Дзень памяці паўстанцаў 1863 года ў Свіслачы

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international