Вярхоўны суд не задаволіў скаргу актывіста з Астравеччыны на будаўніцтва АЭС

2011 2011-10-27T10:35:01+0300 1970-01-01T03:00:00+0300 be http://spring96.org/files/images/sources/ulasevichmikola.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Грамадска-палітычны актывіст Мікалай Уласевіч

Грамадска-палітычны актывіст Мікалай Уласевіч

Грамадскі актывіст з Астравеччыны Мікалай Уласевіч атрымаў адмову ў адказ на сваю скаргу ў Вярхоўны суд аб прызнанні ўказу прэзідэнта №418 “Аб размяшчэнні і праектаванні атамнай станцыі ў Беларусі” не адпавядаючым Канстытуцыі, паведамляе "Гарадзенская вясна".

Мікалай Уласевіч з мястэчка Варняны, адзін з каардынатараў грамадскай ініцыятывы “Астравецкая атамная – гэта злачынства”, на пачатку кастрычніка накіраваў Вярхоўны суд скаргу, у якой даводзілася, што ўказ прэзідэнта №418 “Аб размяшчэнні і праектаванні атамнай станцыі ў Беларусі” не адпавядае Канстытуцыі Рэспублікі Беларусь, у артыкуле 18-ым якой запісана, што тэрыторыя Беларусі з’яўляецца бяз’ядзернай зонай, а дзяржава нейтральнай. Адказчыкам у судзе, на думку Мікалая Уласевіча, мусіў выступіць прэзідэнт Аляксандар Лукашэнка.

У сваёй адмове Вярхоўны суд спасылаецца на Грамадзянскі працэсуальны кодэкс, паводле якога немагчыма прыцягнуць да судовай адказнасці прэзідэнта Рэспублікі Беларусь. Мікалай Уласевіч з такой трактоўкай заканадаўства не згодны і збіраецца падаваць скаргу на імя старшыні Вярхоўнага суду.

Зварот у Вярхоўны суд Мікалай Уласевіч патлумачыў тым, што чыноўнікі розных узроўняў ігнаравалі ягоныя шматлікія скаргі і патрабаванні спыніць будаўніцтва АЭС у Астравецкім раёне. Разам са сваімі паплечнікамі актывіст звяртаўся ў Генэральную пракуратуру, Міністэрства энэргетыкі і Міністэрства па надзвычайных сытуацыях. Аднак усе органы тлумачылі свае адмовы тым, што бяз’ядзерная зона – гэта зона без ядзернай зброі, а, маўляў, АЭС будуецца ў мірных мэтах.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international