Аляксандра Страчука дапыталі па справе падпалу Дома правасуддзя

2011 2011-10-24T10:05:03+0300 1970-01-01T03:00:00+0300 be http://spring96.org/files/images/sources/padpal-2.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

21 кастрычніка, не застаўшы сябра Партыі БНФ Аляксандра Страчука дома, супрацоўнікі Кобрынскага РАУС патэлефанавалі яму на працу і тэрмінова загадалі прыйсці на допыт, паабяцаўшы выпісаць позву на месцы. Калі Страчук з’явіўся ў РАУС, то стала вядома, што яго будуць дапытваць па крымінальнай справе па ч.2 арт.339 (хуліганства) КК Беларусі.

Пытанні на трох старонках былі прысланы з Мінску, як паведамілі супрацоўнікі міліцыі. Але большасць пытанняў не тычылася непасрэдна крымінальнай справы. Напрыклад, было пытанне, сябрам якой партыі з’яўляецца Страчук, хто кіраўнік,  ці далучаны да кантакту ў інтэрнэце і з якімі групамі, як даўно быў у Мінску. І толькі апошнім пытаннем было, ці ведае актывіст, з чаго робіцца “кактэйль Молатава”.

Найбольш уразіла Аляксандра тое, што сярод гэтых аркушаў была папера з яго здымкам і аўтабіяграфічнымі дадзенымі.

Нагадаем, што ў ноч пасля вынясення прысуду Андрэю Саннікаву была спроба падпаліць Дом правасуддзя. У будынак кінулі некалькі «кактэйлаў Молатава». Агнём былі пашкоджаны дзверы службовага ўваходу. Па факце падпалу заведзена крымінальная справа па артыкуле “хуліганства”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international