На Усходніх могілках Менску ўшанавалі памяць Васіля Быкава

2006 2006-06-19T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

З нагоды 82-угодкаў нараджэньня Васіля Быкава каля магілы пісьменьніка на Усходніх могілках адбыўся мітынг-рэквіем з удзелам вядомых беларускіх літаратараў, грамадзкіх дзеячоў, сваякоў і прыхільнікаў ягонай творчасьці.
Ускласьці кветкі, запаліць сьвечкі і прамовіць словы памяці прыйшлі Рыгор Барадулін, Генадзь Бураўкін, Валянцін Тарас, Анатоль Вярцінскі і многія іншыя. Падчас кароткіх прамоваў удзельнікі імпрэзы ўзгадвалі якую вялікую ролю чалавека й пісьменьніка ў гісторыі беларускага народа меў і мае Васіль Быкаў.
"Праўда і Свабода – тыя жыцьцёвыя каштоўнасьці, якія сваім жыцьцём і сваёй творчасьцю сьцьвярджаў Васіль Быкаў. І каб знайсьці сваю свабоду, беларусам найперш патрэбна прачытаць Быкава," – сказаў у сваёй прамове паэт Генадзь Бураўкін.
Цягам дня да магілы пісьменьніка ішлі людзі. Яны ўскладвалі бел-чырвона-белыя кветкі і стужкі з прышпіленымі значкамі “За свабоду”, паведаміла Радыё Свабода.

Імпрэзы ў памяць Васіля Быкава ў Беларусі адбываліся паводле ініцыятывы саміх яе удзельнікаў, дзяржаўныя ўлады да ўшанаваньня памяці народнага пісьменьніка не спрычыніліся.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international