Пастанову пра штраф Валянціну Стэфановічу паказалі яшчэ да разгляду справы

2011 2011-10-19T16:44:10+0300 1970-01-01T03:00:00+0300 be http://spring96.org/files/images/sources/stefanovich_27.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Намеснік старшыні ПЦ “Вясна” Валянцін Стэфановіч

Намеснік старшыні ПЦ “Вясна” Валянцін Стэфановіч

19 кастрычніка падаткавая інспекцыя Партызанскага раёна Менска аштрафавала праваабаронцу на 4 мільёны 727 тысяч 330 рублёў – за тое, што “па неасцярожнасці не паказаў усю суму даходу, якi падлягае падаткаабкладанню”. Валянцін Стэфановіч намераны абскардзіць гэту пастанову ў судзе цягам 10 дзён.

“Цікава, што пастанову пра штраф я ўбачыў да таго, як яе вынеслі, - адзначае Валянцін. – Мне далі яе на подпіс разам з пратаколам аб адміністратыўным правапарушэнні. То бок, рашэнне было прынятае да разгляду маёй справы па сутнасці. Гэта я пазначыў у пратаколе”.

Падчас адміністратыўнага працэсу Валянцін Стэфановіч заявіў хадайніцтва пра тое, што раздрукоўкі з банка “SEB” не перакладзены ў поўным аб’ёме, а менавіта – інфармацыя пра падставы для пераводу грашовых сродкаў ад галандскага аддзялення Amnesty International пададзена па-ангельску. Аднак хадайніцтва намеснік начальніка інспекцыі Коваль Г. М. адхіліў.

Ён прыняў рашэнне спагнаць з праваабаронцы штраф, памер якога скаладае 15% ад сумы падаткаў, якія падлягаюць спагнанню. Пры гэтым ён улічваў той факт, што на ўтрыманні Валянціна Стэфановіча знаходзіцца двое малалетніх дзяцей.  

“Таксама мне было цікава, як ён устанавіў, што я “па неасцярожнасці не паказаў усю суму даходу, якi падлягае падаткаабкладанню”, яшчэ да таго, як я даў тлумачэнні па сутнасці справы”, - кажа праваабаронца.

Ён не згодны з такім рашэннем падаткавай інспекцыі і тлумачыць гэта тым, што грашовыя сродкі, якія паступалі на яго банкаўскі рахунак у Літве, не з’яўляюцца яго асабістым даходам, а таму не падлягаюць падаткаабкладанню.  

“Атрымалася, што я загадзя ведаў, як мяне пакараюць. Гэта вельмі зручна. Трэба, каб такую практыку ўвялі і ў крымінальныя працэсы”, - з іроніяй падвынікаваў Стэфановіч.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international