Над Віцебскам лунаў бел-чырвона-белы сьцяг, які замацавала Хрысьціна Шацікава на асвятляльнай мачце. Яе затрымалі і склалі пратакол па трох артыкулах КаАП РБ

2006 2006-06-18T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

18 чэрвеня моладзевая актывістка Хрысьціна Шацікава залезла на асьвятляльную мачту ў цэнтры Віцебску, дзе звычайна праходзіць "Славянскі базар" і замацавала на ёй бел-чырвона-белы сьцяг, які правісеў там каля гадзіны.
Праз некаторы час служба МЧС зьняла сьцяг, але не змагла зьняць Хрысьціну, бо тая адмаўлялася ад іх паслугаў, а сама не спукалася ўніз. Тры гадзіны актывістка правяла на мачце, пасьля чаго яе ўсё-ткі зьнялі прымусова трое "амонаўцаў" і два прадстаўніка МЧС. Хрысьціну Шацікаву адвезьлі ў Кастрычніцкі РАУС і склалі адміністратыўны пратакол па трох артыкулах: 156, 166 і 167.
Увечары яе сябры бачылі, як на звычайнай легкавой машыне яе некуды павезьлі, пасьля яна прыслала смс-ку, што знаходзіцца ў 3-яй бальніцы.

Таксама 18 чэрвеня ў гарадзкім парку Мазурына каля Віцебску праходзіла вялікае літаратурнае сьвята, прысьвечанае Васілю Быкаву. З ініцыятываю правесьці такое сьвята на агульнагарадзкім узроўні выступіла абласная рада ТБМ і атрымала дазвол ад уладаў. Мерапрыемства наведаў Аляксандар Мілінкевіч.
Падчас правядзеньня сьвята міліцыянты справалі затрымаць маладых людзей са значкамі "За свабоду!", але ім не удалося гэтага зрабіць.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international