Заява Рускага ПЭН-цэнтра з нагоды парушэння правоў чалавека ў Беларусі

2011 2011-10-18T10:09:50+0300 1970-01-01T03:00:00+0300 be http://spring96.org/files/images/sources/pen-centr.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мы, пісьменнікі, члены Рускага ПЭН-цэнтра, неаднаразова выказвалі сваю занепакоенасць з нагоды парушэння правоў чалавека ў Беларусі, неаднаразова пратэставалі супраць пераследу нашых калегаў, пісьменнікаў і журналістаў Уладзіміра Някляева, Паўла Севярынца, Аляксандра Фядуты, Зміцера Бандарэнкі, Ірыны Халіп і іншых .. . Сёння мы павінны заявіць, што грамадская і палітычная сітуацыя ў гэтай краіне рэзка пагаршаецца літаральна з кожным днём. А лёс нашых калегаў - пісьменнікаў, журналістаў, дзеячаў мастацтва, усіх нязгодных з рэпрэсіўнай палітыкай Лукашэнкі выклікае ўсё большую і большую трывогу.
Як стала вядома ў апошнія дні, 3 кастрычніка г.г. у Беларусі да шэрагу заканадаўчых актаў прыняты папраўкі, робячы больш жорсткімі рэпрэсіі супраць грамадскіх арганізацый і асоб, якія выказваюць нязгоду з палітыкай Лукашэнкі. Любыя адкрытыя выступы апазіцыі і раней былі забароненыя, але калі раней у некаторых выпадках справа яшчэ абмяжоўвалася адміністрацыйным пераследам, то зараз любы пратэст пацягне крымінальнае пакаранне. Мала таго, супрацоўнікам КДБ цяпер законам дазволена (а па сутнасці, ставіцца ў абавязак) ужыванне фізічнага ўздзеяння аж да выкарыстання «баявых прыёмаў барацьбы». Таксама законам дазволена без санкцыі суду ўрывацца ў жыллё грамадзян, пры адным толькі падазрэнні, што там адбываецца нешта благое уладам. Пры гэтым стаў больш жорсткім закон «Аб масавых мерапрыемствах» - да мітынгу цяпер прыраўноўваецца любы збор грамадзян.
З асаблівай жорсткасцю дыктатарскі рэжым рэагуе на якую б то ні было фінансавую дзейнасць апазіцыйных сіл. Як у горшыя гады савецкага таталітарызму, у цяперашні час у Беларусі арыштаваны і чакае суда арганізатар фонду дапамогі палітвязьням (Цэнтр «Вясна») Аляксандр Бяляцкі.
Усялякі зварот грамадскіх аб'яднанняў або асобных грамадзян у міжнародныя арганізацыі з скаргай на існуючыя ў Беларусі парадкі зараз можа трактавацца ўладамі як "дзяржаўная здрада» і карацца пазбаўленнем волі на тэрмін да 15 гадоў.
Усе згаданыя вышэй рэпрэсіўныя навіны робяць немагчымай або вельмі рызыкоўнай (у прамым сэнсе: людзі рызыкуюць жыццём) дзейнасць грамадскіх арганізацый - і сярод іх дзейнасць нашых калег з Беларускага ПЭН-цэнтра.
Мы, пісьменнікі, члены Рускага ПЭН-цэнтра выказваем сваю салідарнасць з калегамі ў Беларусі і гатоўнасць аказаць ім любую падтрымку, якая толькі ў нашых сілах.
Мы таксама заклікаем калегаў па міжнародным ПЭН-руху падзяліць нашу трывогу з нагоды падзеяў у Беларусі і далучыцца да нашых пратэстаў.

Андрэй Бітаў
Аляксей Сіманаў
Юнна Морыц
Леў Цімафееў
Людміла Ўліцкая
Барыс Яўсееў
Віктар Ерафееў
Канстанцін Кедраў
Вадзім Рабіновіч
Вячаслаў Пьецух

penrussia.org

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international