Рэгіянальныя дзяржаўныя СМІ ўсё больш адрываюцца ад рэальнасці

2011 2011-10-17T10:18:06+0300 1970-01-01T03:00:00+0300 be http://spring96.org/files/images/sources/maladzech-gaz.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Расце сацыяльнае напружанне і ўсё больш адчуваецца інфармацыйны голад у рэгіёнах. Імгненна разлятаюцца самыя неверагодныя чуткі, нагнятаецца паніка. А рэгіянальныя дзяржаўныя выданні, галоўныя ў сваіх мясцовасцях сродкі інфармацыі, маўчаць па актуальных тэмах і з апошніх сілаў намагаюцца падтрымаць ілюзію стабільнасці.

“Маладзечанская газета” дагаварылася да таго, што “крызіс – гэта добра”.

Так называўся адзін з падзагалоўкаў артыкула аб прадпрымальніцкай дзейнасці. Ніякага негатыву на старонках выдання, на першых палосах – толькі радасныя навіны, нават аб тым, як кароль Бутана ажаніўся з простай дзяўчынай.

Узгадалі слова “крызіс” і ў смаргонскім “Светлым шляху”. Але... толькі ў паведамленні аб тым, дзе пры “крызісным стане” можна атрымаць псіхалагічную дапамогу.

Валожынская “Працоўная слава” таксама стараецца пераканаць чытачоў, што ў раёне і краіне падзеі толькі станоўчыя і ўсё пад кантролем. “Аўтарытэт “Белай Русі” расце”, “Людзі давяраюць банкаўскай сістэме”, а “Цэннік – не пернік, каб усім падабацца”. Пра гэта паведамляюць газетныя артыкулы.

Не адрозніваюцца ад друкаваных афіцыйныя рэгіянальныя інтэрнет-рэсурсы: старонкі проста перанасычаны такімі словамі як “паляпшэнне, удасканаленне, спрашчэнне”.

Затое стваральнікі неафіцыйных мясцовых выданняў сцвярджаюць, што апошнім часам яны не паспяваюць задаволіць попыт на альтэрнатыўную інфармацыю.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international