Аршанскі суд прысудзіў Мікалаю Разумаву 3 гады абмежаваньня волі за "паклёп на прэзідэнта"

2006 2006-06-16T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Такі вырак па сканчэньні разгляду крымінальнае справы, ініцыяванай аршанскай пракуратурай, вынесла судзьдзя Тацяна Рыбакова. Суд прызнаў Мікалая Разумава вінаватым паводле 367-га артыкулу Крымінальнага кодэксу на падставе выказваньняў сьведкаў і відэазапісу сустрэчы выбарцаў з Аляксандрам Мілінкевічам 24-га лютага, паведаміла Радыё Свабода.

На відэастужцы, зьнятай апэратарам мясцовай тэлекампаніі “Скіф” Сяргеем Яўсеевым, зафіксавана прамова спадара Разумава, які публічна казаў пра тое, што Аляксандар Лукашэнка мае дачыненьне да зьнікненьня Юр’я Захаранкі і Віктара Ганчара, што і было кваліфікавана судом як “паклёп на прэзыдэнта”.

Паводле вынікаў псыхіятрычнай экспертызы ў менскай клініцы Навінкі, падсудны на той момант быў у цалкам сьвядомым стане, хаця на судзе ён заявіў, што ня памятае ні тае сустрэчы, ні ўвогуле падзеяў таго дня, і таму сваёй віны не прызнае.

Ад 14-га сакавіка спадар Разумаў знаходзіўся пад вартай, і толькі пасьля сёньняшняга суду яго адпусьцілі дахаты. Цяпер ён мусіць чакаць на позву, у якой будзе пазначанае месца ягонага пакараньня – “абмежаваньня волі ва ўстанове адкрытага тыпу”, інакш кажучы, на “хіміі”.

Гэты працэс выклікаў шарокі рэзанас у Воршы, дзе Мікалая Разумава ведаюць найперш як вядомага рабочага лідара, які на пачатку 1990-х гадоў заклікаў працаўнікоў мясцовых прадпрыемстваў выйсьці на рэйкі на знак нязгоды з сытуацыяй у краіне, арганізаваўшы такім чынам першыя працоўныя страйкі на Беларусі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international