Праваабаронцы нагадалі беларусам пра праблему смяротнага пакарання (фота)

2011 2011-10-10T18:37:18+0300 1970-01-01T03:00:00+0300 be http://spring96.org/files/images/sources/mensk-10.10.2011d.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

10 кастрычніка, у Cусветны дзень барацьбы супраць смяротнага пакарання, праваабаронцы, грамадскія актывісты і маладыя валанцёры ў сталіцы і рэгіёнах краіны правялі акцыю супраць выкарыстання ў Беларусі смяротнай кары.  

У Менску актывісты кампаніі “Праваабаронцы супраць смяротнага пакарання” выйшлі на праспект Незалежнасці, каб нагадаць мінакам, што ў Беларусі дагэтуль дзяржава забівае людзей. Інфармацыйныя буклеты, паводле праваабаронцаў, людзі бралі зацікаўлена, і было шмат нераўнадушных да гэтай праблемы грамадзянаў, з некаторымі нават атрымалася падыскутаваць.  

Буклеты “Не – смяротнаму пакаранню!” праваабаронцы і грамадскія актывісты распаўсюджвалі сёння ў Баранавічах, такім чынам далучыўшыся да агульнарэспубліканскай кампаніі “Праваабаронцы супраць смяротнага пакарання”. Мерапрыемства адбывалася ў цэнтры горада: ля крамаў, прыпынкаў, у маладым парку па вуліцы Камсамольскай, дзе заўсёды шмат мінакоў. І моладзь, і людзі старэйшага ўзросту ахвотна бралі інфармацыйныя матэрыялы і ўступалі ў дыскусію з праваабаронцамі наконт “забойства злачынцаў”. Падчас гэтых дыскусіяў арганізатары акцыі высветлілі, што каля паловы апытаных грамадзянаў адмоўна ставяцца да гэтага віду пакарання і лічаць, што Беларусі трэба ўводзіць мараторый на смяротную кару.

Раней падобную інфармацыйную акцыю правялі актывісты моладзевых арганізацыяў Магілёва. Буклеты, прысвечаныя гэтай тэме, яны раздавалі мінакам на праспэкце Пушкіна. Паводле аднаго з актывістаў, за пятнаццаць хвілінаў разыйшлося больш за трыста буклетаў.

Ні ў адным горадзе падчас правядзення праваабарончай акцыі інцыдэнтаў з міліцыяй не было.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international