Марафон салідарнасці з Алесем Бяляцкім
Праваабаронца-марафонец Уладзімір Малей
У Маларыце 8 кастрычніка падчас “Дажынак” адбудзецца 18-ты Міжнародны марафон. У складзе марафонцаў, якія прабягуць адлегласць у 10 кіламетраў, будуць праваабаронцы Уладзімір Малей з Маларыты і Васіль Матусевіч з Давыд-Гарадка.
У знак салідарнасці з арыштаваным старшынёю Праваабарончага цэнтра “Вясна” Алесем Бяляцкім, які ўжо два месяцы знаходзіцца ў СІЗА КДБ марафонцы апрануць чорныя майкі з выявай Алеся Бяляцкага і надпісам: “Свабоду Алесю Бяляцкаму”.
Па словах Уладзіміра Малея, яны хочуць звярнуць увагу мясцовага насельніцтва на чарговае злачынства ўлады ў адносінах да лепшых людзей Беларусі.
Падчас мінулага марафонскага забегу ў 2010 годзе праваабаронцы былі ў майках з надпісам: “Скажы НЕ смяротнаму пакаранню”.
