Таварыства беларускай мовы заклікае пісаць лісты на адрас Нацыянальнай дзяржаўнай тэлерадыёкампаніі, каб каментары футбольных матчаў вяліся па-беларуску

2006 2006-06-09T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Зварот Таварыства беларускай мовы

Шаноўныя сябры!

Неўзабаве мае адбыцца чарговы чэмпіянат сьвету па футболе. Дык запатрабуем ад Нацыянальнай дзяржаўнай тэлерадыёкампаніі забясьпечыць камэнтары да матчаў па-беларуску. Кожны з нас можа такім чынам пазмагацца за беларускасьць. Таму напішэце самі і парайце сябрам напісаць ліст да наступных службоўцаў Белтэлерадыёкампаніі:

Зімоўскаму Аляксандру Леанідавічу, старшыню Нацыянальнай дзяржаўнай тэлерадыёкампаніі.
220807 Менск, вул.Макаенка 9, Белтэлерадыёкампанія.
Герстэну Барысу Ізідоравічу, дырэктару Дырэкцыі спартовага вяшчаньня.
220807 Менск, вул.Макаёнка 9, Белтэлерадыёкампанія, Дырэкцыя спартовага вяшчаньня.
Навіцкаму Ўладзімеру Мікалаевічу, загадчыку аддзелам тэлекамэнтатараў.
220807 Менск, вул.Макаёнка 9, Дырэкцыя спартовага вяшчаньня, Белтэлерадыёкампанія.

Вы можаце напісаць свой тэкст або скарыстаць з прапанаванага ніжэй варыянту:

Паважаны ...!
Дазвольце падзякаваць вам за сыстэматычнае пашырэньне спартовага вяшчаньня на каналах БТ і ЛАД. Да таго ж прыемна адзначыць правільнасьць выбару актуальных спаборніцтваў. У той жа час мяне вельмі засмучае амаль поўная адсутнасьць беларускамоўных камэнтароў гэтых спаборніцтваў.
Дазвольце Вам нагадаць, што беларуская мова зьяўляецца дзяржаўнай мовай Рэспублікі Беларусь, якую, згодна з апошнім перапісам, лічаць сваёй адзінай роднай мовай 76% насельніцтва краіны.
Я з прыемнасьцю адзначыў, што матчы чарговага чэмпіянату сьвету па футболе таксама будуць трансьляваць Вашыя каналы. З гэтай нагоды я зьвяртаюся да Вас з прапановай рабіць камэнтары гэтых, а таксама ўсіх іншых спартовых спаборніцтваў на нашай з Вамі роднай беларускай мове.

Загадзя ўдзячны,
Вашае імя.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international