Віншуем Зміцера Бандарэнку!
Зміцер Бандарэнка.
У сераду, 28 верасня, яшчэ адзін палітзняволены, давераная асоба экс-кандыдата ў прэзідэнты Беларусі Андрэя Саннікава і сябра Беларускай асацыяцыі журналістаў Зміцер Бандарэнка, які адбывае пакаранне ў выглядзе пазбаўлення волі на два гады за падзеі 19 снежня 2010 году, адзначыць за кратамі свой дзень нараджэння. Яму спаўняецца 48 год.
Праваабарончы цэнтр “Вясна” шчыра віншуе няскоранага палітвязня з днём народзінаў і зычыць яму хутчэйшага вызвалення з-за кратаў, моцы духу, здароўя і аптымізму.
Праваабаронцы высока ацэньваюць высокія асабістыя якасці Зміцера Бандарэнкі, ягоную мужнасць і паслядоўнасць і запэўніваюць, што зробяць усё магчымае, каб паскорыць ягонае вызваленне!
Павіншаваць вязня сумленьня можна, адправіўшы святочныя паштоўкі і тэлеграмы на наступны адрас: 213105, Бандарэнку Дзмітрыю Яўгенавічу, г. Магілёў, Слаўгарадская шаша, п/а Вейна, папраўчая калонія № 15, карантын.
