Грамадзкія актывісты ў Клецку пратэстуюць супраць вынішчэньня парку

2006 2006-06-08T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У першай палове траўня пачалі высякаць цэнтральны парк у Клецку. 55 каштанаў ужо знішчыла мясцовая улада, ствараючы "парадак" на свой густ.

Ніхто не цікавіўся меркаваннем насельніцтва городу, нікога не турбуе, што ў парку адпачывалі і гулялі дзеці і мамы. Кіраўніцтва раёну рве бульдозерамі здаровыя й магутныя дрэвы. Усё, што ніжэй ростам, чым кіраўнік раёну, вынішчаецца: высечаная алея ў в. Кухчыцы, занесеныя на тапаграфічныя мапы раёну ліпы, блакітныя 15-метровыя хваіны каля райвыканкаму. Хто спыніць самаўпраўнасць мясцовага пана? Пакуль, насуперак меркаванню народу, нам ставяць пана, гэты пан будзе трактаваць Закон і Парадак на свой манер, каб дагадзіць вышэйстаячаму пану, а не народу.

Круглы год работнікі камунальных службаў мятуць і чысцяць цэнтар мястэчка, даглядаюць кветкі і дрэвы і ў дождж, і ў снег.., іншай працы для людзей няма. Паламалі ў парку дзіцячы аўтадром. Папсавалі разьбяныя альтанкі й хатку каля фантану ў цэнтры  паставілі тры бетонныя лаўкі. Набудавалі металічных варотаў, навешалі замкоў& Не горад  зона строгага рэжыму.

Індывідуальныя прадпрымальнікі маюць права гандляваць толькі да 20.00, пазьней нельга. Прадпрымальнікі пазбаўленыя Права, гэта зразумела з вялізнага плаката на мясцовым рынку, дзе ёсць словы "забараняецца", "караюцца", "нясуць адказнасць", "абавязаныя", і няма слова  Права.

Сітуацыя ў Клецку - адбітак сітуацыі па ўсёй краіне. Нельга застацца абыкавымі, паведамляе прэс-служба Аляксандра Мілінкевіча.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international