Справа аб тэрарызме: працяг суду ў 11 гадзін
Сёньня ў Менскім Доме правасуддзя працягнецца суд па справе аб тэракце.
Жыхары Віцебску Дзьмітрый Канавалаў і Уладзіслаў Кавалёў абвінавачваюцца ў здзяйсьненьні выбуху на станцы метро “Кастрычніцкая” 11 красавіка 2011 году. Таксама іх падазраюць ва ўчыненьні выбухаў у Віцебску ў 2005 і ў Менску ў 2008 гадах і яшчэ ў 30 злачынных эпізодах.
На папярэднім судовым паседжаньні 16 верасьня маці Уладзіслава Кавалёва распаўсюдзіла зварот да ўладаў аб правядзеньні рэферэндума ў пытаньні адмены сьмяротнага пакараньня. Яна непакоіцца, што смяротная кара будзе прыменена да яе сына. Яна таксама не верыць паказаньням сына ў оой частцы, што ён нібыта не паведаміў пра падрвыхтоўку да тэракта Канавалавым.
Сам Уладзіслаў Кавалёў лічыць, што Канавалаў не рабіў выбух у мінскім метро. Пра гэта ён заявіў у зале суда ў пятніцу.
Кавалёў заявіў, што падчас следства прызнаўся ў неданясенні пра выбух, бо з суседняга кабінета ў СІЗА пачуў крыкі Канавалава. Нібыта следчыя сказалі Кавалёву, што яму дадуць за неданясенне два гады турмы, а ў тэрарызме яго абвінавачваць не будуць. Кавалёў кажа, што даваў сведчанні, бо быў напалоханы магчымым расстрэлам. Пры гэтым ён пацвердзіў, што гвалт да яго не ўжывалася.
Нагадаем, што ў Вярхоўным Судзе Беларусі 15 верасьня распачаўся працэс над Дзьмітрыем Канавалавым і Уладзіславам Кавалёвым, якіх вінавацяць ў выбуху на станцы метро “Кастрычніцкая” 11 красавіка 2011 году. Таксама іх падазраюць ва ўчыненьні выбухаў у Віцебску ў 2005 і ў Менску ў 2008 гадах і яшчэ ў 30 злачынных эпізодах.
