viasna on patreon

Баранавіцкі гарвыканкам забараніў чарговы пікет

2011 2011-09-13T14:18:05+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

13 верасня 2011 года Баранавіцкі гарвыканкам забараніў правядзенне чарговага пікету ў падтрымку палітзняволеных грамадскаму актывісту Рыгору Грыку. Гэта стала вядома з пісьма за подпісам намесніка старшыні гарвыканкама Дз.Касцюкевіча, якое атрымаў Рыгор Грык. У пісьме паведамляецца, што заяўнік парушыў арт.5 Закона “Аб масавых мерапрыемствах у РБ”, але ж не гаворыцца што канкрэтна парушыў заяўнік.

Рыгор Грык паведаміў, што ён катэгарычна не згодны з рашэннем выканкама. Ён мае вялікі вопыт у гэтай справе і аформіў дакументы на пікет своечосовы і ў адпаведнасці з заканадазствам. Таму грамадскі актывіст адразу напісаў заяву ў гарвыканкам, у якой просіць патлумачыць: якія ж палажэнні закона аб масавых мерапрыемствах ён парушыў?

Нагадаем, што Рыгор Грык планаваў правесці 18 верасня пікет у старым парку горада пад лозунгам “За нашу і вашу свабоду”, каб маральна падтрымаць асуджаных палітычных і грамадскіх актывістаў за ўдзел у падзеях 19 снежня 2010 года ў Менску.

Апошнія навіны

Партнёрства

Сяброўства