2 чэрвеня сканчаецца тэрмін пакараньня актывіста штабу Аляксандра Казуліна Юрыя Радзівіла

Малады менскі прадпрымальнік быў асуджаны на 3 месяцы арышту. 2 сакавіка па ягоным аўтамабілі стралялі супрацоўнікі "Алмазу", якія перасьледавалі ўдзельнікаў несанкцыянаванай акцыі ў падтрымку Аляксандра Казуліна. Потым у судзе міліцыянты заявілі, што Юры Радзівіл нібыта стварыў пагрозу іх жыцьцю, таму яны ўжылі баявую зброю.

Малады апазыцыянэр адбываў пакараньне ў сьледчым ізалятары на вуліцы Валадарскага. Ягоным сябрам невядомы дакладны час, калі яго выпусьцяць на волю, таму плянуецца дзяжурыць каля турмы з ранку, паведаміла Радыё Свабода.