Супраць Натальлі Радзінай спыненая крымінальная справа

2011 2011-08-26T10:00:23+0300 1970-01-01T03:00:00+0300 be

Крымінальны перасьлед адносна беларускай журналісткі Натальлі Радзінай ў рамках справы аб масавых беспарадках у Менску 19 сьнежня спынены ў сувязі з адсутнасьцю складу злачынства.

Адпаведнае ўведамленьне пра спыненьне крымінальнага расьсьледаваньня бацькі Натальлі, якія жывуць у Кобрыне, атрымалі 25 жніўня.

"Паведамляем вам, што сьледзтва па крымінальнай справе, пачатай 20 сьнежня 2010 года па часты 1-й і 2-й артыкула 293-га Крымінальнага кодэкса па факту ўчыненьня масавых беспарадкаў крымінальны перасьлед адносна Натальлі Радзінай пастановай ад 23 жніўня 2011 года спынены ў сувязі з адсутнасьцю складу злачынства".

Бацькі паведамілі, што Натальля пакуль не вяртаецца ў Беларусь, бо "адзін артыкул улады могуць зачыніць, а прыдумаць іншы. Натальля яшчэ не ўпэўненая, што яны могуць так адпусьціць".

25 жніўня спынілі крымінальную справу супраць кіраўніка Аб'яднанай грамадзянскай партыі Анатоля Лябедзькі.

Апошнія навіны

Партнёрства

Сяброўства