Суд адхіліў скаргу на меру стрымання ў дачыненні Алеся Бяляцкага
16 жніўня ў судзе Першамайскага раёна Мінска адбыўся разгляд скаргі адваката Алеся Бяляцкага на абраную следствам меру стрымання ў выглядзе ўзяцця пад варту. Скарга адваката была адхіленая.
Разгляд скаргі адбываўся ў закрытым паседжанні.
Нагадаем, што 12 жніўня, разам з выстаўленьнем Алесю Бяляцкаму абвінавачаньня ва ўтойваньні даходаў у асабліва буйным памеры (ч.2 арт. 243 КК РБ), тэрмін утрыманьня праваабаронцы пад вартай быў працягнуты на 2 месяцы.
Старшыня Праваабарончага цэнтру “Вясна”, віцэ-прэзідэнту Міжнароднай федэрацыі правоў чалавека (FIDH) Алесь Бяляцкі быў затрыманы 4 жніўня. У той самы дзень на офісе “Вясны” і на прыватнай кватэры праваабаронцы прыйшлі вобшукі. Санкцыя ў межах артыкула, які інкрымінуецца Алесю Бяляцкаму, прадугледжвае пазбаўленне волі на тэрмін да сямі гадоў з канфіскацыяй маёмасці.
