Ля Маскоўскага раённага суду Менску спэцназ затрымаў каля дзясятка актывістаў апазыцыі, якія намагаліся прыйсьці на працэс над Юрыем Радзівілам

Маладых людзей і дзяўчат супрацоўнікі міліцыі затрымлівалі, калі бачылі на іх значкі "За свабоду!", джынсавыя і бела-чырвона-белыя стужкі.

Спэцназаўцы адводзілі затрыманых у аўтазак, які стаяў у двары суду.

Фотакарэспандэнтам забаранілі здымаць аўтазак, тыя ж, якія адважыліся зрабіць некалькі здымкаў, мелі інцыдэнты з супрацоўнікамі спэцназу, якія патрабавалі, каб тыя зьнішчылі здымкі, не патлумачыўшы прычыны.

Сярод затрыманых Зьмiцер Дашкевіч, Артур Фінькевіч, Хрысьціна Шацікава, Анатоль Гарачка, Драздоў, Стральцоў і іншыя актывісты, якія былі ўдзельнікамі пратэстаў на Кастрычніцкай плошчы ў часе выбарчай кампаніі.