Прэс-канферэнцыя Валера Леванеўскага

2006 2006-05-17T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

– Турэмная сістэма Беларусі – гэта дзяржава ў дзяржаве дзе ніякія законы не працуюць, - пра гэта расказаў на ўчарашняй прэсавай канферэнцыі Валер Леванеўскі.

Як паведаміла радыё Рацыя, на сваю першую пасля вызвалення сустрэчу з журналістамі палітычны вязень Валер Леванеўскі прыйшоў у сіняй турэмнай робе з імянной шыльдачкай на правай грудзі.

Былы вязень сказаў, што такім чынам ён хоча падкрэсліць, што кожны чалавек ў Беларусі – умоўна вольны і сесці ў вязніцу можа ў любы момант незалежна ад віны.

А гэта азначае, штот чалавек адразу траціць усе мажлівыя правы. Так, расказаў Леванеўскі ў медычнай дапамозе асуджаным адмаўляюць: баляць зубы -то адзінае лячэнне, якое прапануюць вязню – вырваць іх. Калі Леванеўскі патрапіў у бальніцу з хворым сэрцам – турэмныя медыкі выдалі дыягназ, што сэрца ў яго “не абнаружана” і ізноў адправілі ў калонію.

Самы вялікі голад, каторы пануе ў калоніях – інфармацыйны голад, – гаворыць Леванеўскі. Газеты траплаюць толькі тыя, што сваякі дасылаюць разам з лістамі. А галоўнае – асуджаныя ня маюць доступу да заканадаўства, ім забаранеццая выдаваць крымінальна-выканаўчы кодэкс і правілы ўнутранага распарадку.

Скаргі асуджаных як правіла, не выходзяць за сцены калоніі і прыводзяць толькі да пагаршэння іх умоваў.

За два гады ў Івацэвіцкай калоніі Леванеўскі напісаў больш за 500 скаргаў на рэжым утрымання. Каб дамагчыся ўвагі пракуратуры, ён 14 разоў абвяшчаў галадоўкі. За гэта яго тры разы саджалі ў штрафны ізалятар. Але ў калоніі яго намаганнямі з’явілася бібліятэка, спартовы куток і прайшла нават камісія камітэта па працы, пасля чаго вязням пачалі выдаваць працоўную спецвопратку.

Валер Леванеўскі гаворыць, што на волі ён намераны арганізаваць сапраўдны грамадскі кантроль за станам папраўчых установаў у беларусі з адзінай мэтай - галоўным там, як і ва ўсёй краіне, павінен быць закон.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international