viasna on patreon

У Брэсьце затрыманы Андрэй Любянчук, на яго складзены адміністратыўны пратакол па ч.3 арт 172 КаАП

2006 2006-05-12T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

11 траўня супрацоўнікі міліцыі спынілі на вуліцы Андрэя Любянчука за тое, што на ягоным заплечніку была налепка "Свабода!", і правялі дагляд. У заплечніку яны знайшлі яшчэ 58 аналагічных налепак і даставілі хлопца ў Ленінскі РАУС г.Брэста. Там міліцыянты склалі акт аб канфіскацыі налепак і адміністратыўны пратакол па ч.3 арт 172 КаАП - распаўсюд друкаванай прадукцыі без выходных дадзеных, а таксама правялі "размову", схіляючы Андрэя даць хлусьлівыя паказаньні супраць вядомых мясцовых апазіцыянераў Вялічкіна Уладзіміра і Шыманскага Дзьмітрыя: што менавіта яны далі гэтыя налепкі, каму і колькі яшчэ давалі, колькі абяцалі заплаціць за распаўсюд і г.д. Напрыканцы размовы супрацоўнікі РАУС забралі ў Любянчука Андрэя нататнік і візітоўнік -- для вывучэньня, прапанаваўшы хлопцу прыйсьці за імі на наступны дзень.

Апошнія навіны

Партнёрства

Сяброўства