Бунт у Брузгах: судовая расправа працягваецца

Сёньня ў Гародні працягваюць судзіць удзельнікаў акцыі пратэсту на памежным пераходзе “Брузгі” 12 чэрвеня. У судзе Ленінскага раёна разглядаюцца адміністратыўныя справы яшчэ васьмі мясцовых прадпрымальнікаў. Некалькі чалавек па папярэдняй інфармацыі ужо атрымалі штрафы ў памеры 700 тысяч рублёў.

Нагадаем, што выконваючы абавязкі начальніка ўпраўлення інфармацыі і грамадскіх сувязяў МУС Беларусі Канстанцін Шалькевіч учора ўдакладніў дадзеныя пра затрыманні. Паводле ягоных слоў, у усяго міліцыя затрымала  22 чалавекі, а не 14, як паведамляла раней МУС. 14 затрыманых у судзе Гродзенскага раёну пакаралі грашовым штрафам у памеры 2 мільёны 600 тысяч кожнага. Па словах некаторых з удзельнікаў страйку на мяжы, усіх затрыманых моцна збілі.