Сябрамі Маладога Фронта Салігорска быў праведзены шэраг мерапрыемстваў, прызначаных Дню Перамогі

Увечары 8 траўня ў Салігорску зьвіўся транспарант "ТРЭЦІ ТЭРМІН - ТРЭЦІ РЭЙХ", накіраваны супраць незаконага трэцяга прэзідэнства Лукашэнкі. Пазьней моладзь паспрабавала павесіць яшчэ адну расьцяжку ў цэнтры горада, аднак гэтаму перашкодзіла міліцыя. Супрацоўнікі ў цывільным пачалі перасьлед, але безвынікова. Актывісты былі вымушаны адкласьці свае планы.
9 траўня пад час сьвяточнага параду моладзевыя актывісты з МФ павіншавалі ветэранаў, падарылі кветкі з бел-чырвона-белымі хустачкамі, пажадалі здароўя, шчасьця, доўгіх гадоў жыцьця. Пасьля параду моладзь усё ж такі павесіла расьцяжку ля крамы "Цэнтральнай" з надпісам "ПЕРАМАГЛІ ФАШЫЗМ - ПЕРАМОЖАМ ЛУКАШЫЗМ", зьяўленьню якой дзень таму перашкодзіла міліцыя, паведаміла прэс-служба МФ Салігорска.