Пачаліся арышты людзей, якія прыйшлі выказаць сваю падтрымку Артуру Фінькевічу

Каля Першамайскага суда затрымалі шэсьць чалавек
Былі затрыманыя: журналісткі Тацяна Сьнітко і Натальля Валакіда, пляменьнік экс-кандыдата ў прэзідэнты Аляксей Казулін, а таксама Надзея Батура, Юры Талстой, Аляксандр Рэзьнікаў, Андрэй Ігнатчык.

Была затрыманая таксама Крысьціна Шацікава, маці дваіх дзяцей, стрыечная сястра зьніклага без вестак аператара АРТ Зьміцера Завадскага (на фота - момант затрыманьня).

Затрыманьне праводзілі супрацоўнікі Першамайскага РУУС Мілевіч, Амосаў і стажор Язінскі. Пры гэтым Амосаў сказаў, што з затрыманымі будуць праводзіць "прафілактычную размову".