26 красавіка Берасьцейскі абласны суд вынес рашэньне аб ліквідацыі Берасцейскага абласнога моладзевага грамадзкага б'яднаньня "Сузор'е" - адной з самых уплывовых арганізацыяў рэгіёну

2006 2006-04-28T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сябры БАМГА "Сузор'е" атрымалi позву ў суд яшчэ на мінулым тыдні. Аднак паседжаньне, прызначанае на пятніцу, было адкладзена на сераду. Падставай для судовага разбіральніцтва стаў зварот упраўленьня юстыцыi Берасьцейскага аблвыканкаму аб лiквiдацыi арганiзацыi. Фактычна прэтэнзіі з боку чыноўнікаў складаліся з дзьвюх частак. Па-першае, у віну сябрам арганізацыі ставілася тое, што яны не адказваюць на запыты з упраўленьня юстыцыі. Па-другое - тое, што ў склад кіраўніцтва моладзевай арганізацыі ўваходзіць жанчына, якой споўніўся 31 год, а гэта супярэчыць статуту грамадзкай арганізацыі.

Па словах старшыні БАМГА "Сузор'е" Зьміцера Шыманскага, ён намераны абскардзіць рашэньне берасьцейскага суду на той падставе, што адказчыкам выступае савет грамадзкага аб’яднаньня, а не сама арганізацыя. Па-другое, папярэджаньне было вынесенае зноў-такі не арганізацыі, а яе савету, што, на думку грамадзкага актывіста, супярэчыць заканадаўству. Трэба адзначыць, што БАМГА "Сузор'е", зарэгістраванае ў 2002 годзе, зьяўляецца адной з уплывовых моладзевых арганізацыяў рэгіёну. Праца сябраў арганізацыі была скіраваная на падвышэньне грамадзянскай актыўнасьцi, узроўню прававой культуры сваіх сябраў, а таксама на садзейнiчаньне захаваньню i развiцьцю традыцыяў беларускай культуры, паведаміла прэс-служба Асамблеі НДА.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international