Суд над Вадзімам Доўнарам працягнецца ў пятніцу

2006 2006-04-26T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

28 красавіка (пятніца) у 9.00 у Ленінскім раённым судзе працягнуцца слуханні адміністратыўнай справы карэспандэнта расійскай газеты "Коммерсантъ", беларускага грамадзяніна Вадзіма Доўнара. Журналіст і яго адвакат заявілі хадайніцтва запрасіць у суд сведку са свайго боку - маладога чалавека, якога 21 красавіка затрымалі разам з В. Доўнарам. Акрамя гэтага, суддзя палічыла неабходным выклікаць у суд міліцыянтаў, якія складалі рапарт аб затрыманні, бо паміж рапартам і пратаколам ёсць істотныя разыходжанні.

У міліцэйскім рапарце сцвярджаецца, што журналіст быў у нецвярозым стане, зневажаў кіраўніка дзяржавы і выкрыкваў антыўрадавыя лозунгі. У пратаколе гаворыцца толькі, што В. Доўнар нібыта нецэнзурна лаяўся.
"Я падазраю, што адзін з ахоўнікаў прэзідэнцкай рэзідэнцыі бачыў мяне на апазіцыйных акцыях і таму звярнуў на нас увагу", - зазначыў В. Доўнар у гутарцы з прэс-службай БАЖ. Ён не выключае таксама, што яго затрымалі якраз таму, што ён - журналіст: у яго спачатку паглядзелі дакументы і, убачыўшы пасведчанне газеты "Коммерсантъ", выклікалі машыну. З улікам прызначэння суда на 26 красавіка, журналіст не выключае, што міліцыя мела за мэту перашкодзіць працы карэспандэнта расійскага выдання на "Чарнобыльскім шляху".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international