Вінцук Вячорка: Праваабарончы цэнтар "Вясна" быў створаны ў 1996, у патрэбе дапамагаць пацярпелым ад лукашэнкаўскіх рэпрэсіяў пасьля масавых веснавых акцыяў 25 Сакавіка й "Чарнобыльскага шляху". Таму пачатная назва ініцыятывы - "Вясна-96".

2006 2006-04-26T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Вясьне - 10 гадоў!

"Згінулі сьцюжы, марозы, мяцеліцы,
Болей ня мерзьне душа ні адна..."
Янка Купала. "Вясна"

Праваабарончы цэнтар "Вясна быў створаны ў 1996, у патрэбе дапамагаць пацярпелым ад лукашэнкаўскіх рэпрэсіяў пасьля масавых веснавых акцыяў 25 Сакавіка й "Чарнобыльскага шляху". Таму пачатная назва ініцыятывы - "Вясна-96".

На жаль, дыктатура ў Беларусі застаялася надоўга. Цяпер гэта проста "Вясна", адна з найбольш паважаных, вядомых, эфэктыўных групаў абароны правоў чалавека, якая мае агульнабеларускую структуру. Тысячы людзей удзячныя "Вясьне" за дапамогу ў бядзе, за тое, што "вясноўцы" сталі поруч.

Прычына эфэктыўнасьці працы "Вясны" вельмі простая. "Вясноўцы" - сьвядомыя людзі, маюць у душы беларускія каштоўнасьці. Яны ў цэнтры падзеяў, яны бясстрашна бароняць ад рэпрэсіяў людзей рознай партыйнай і арганізацыйнай прыналежнасьці, не зазіраючы ў іхныя анкеты, і тым самым адстойваюць свае ўласныя перакананьні: Беларусь павінна быць і абавязкова будзе свабоднай, дэмакратычнай, сапраўды незалежнай і паважанай у сьвеце краінай.

Калі Міністэрства юстыцыі належным чынам ацаніла дзейснасьць "Вясны" й фармальна яе зачыніла, "вясноўцы" - як нямногія іншыя - гучна грукнулі дзьвярыма, учыніўшы сядзячы страйк у залі Вярхоўнага суду. Іх выносілі на руках.

"Вясна" - надзейная, аб’ектыўная, прынцыповая крыніца інфармацыі аб правах чалавека ў нашай краіне для дэмакратычнага сьвету. Электронная рассылка, бюлетэнь "Права на волю", штогадовыя "Агляды-хронікі парушэньняў правоў чалавека" ў некалькіх моўных вэрсіях - ладны кавалак працы. "Вясна" ацэненая ня толькі ў Беларусі, чаму доказам некалькі аўтарытэтных міжнародных узнагародаў і прэміяў. Гэта дзякуючы вам, адважным "вясноўцам", беларускае слова Viasna стала вядомым у шырокім сьвеце як сынонім барацьбы беларусаў за чалавечую годнасьць, за праўду й свабоду.

Віншуючы "Вясну" зь юбілеем, зычачы сябрам усялякіх памыснасьцяў, жадаю і "вясноўцам", і ўсім нам наблізіць той радасны дзень, калі Беларусь стане вольнай краінай.

Вінцук Вячорка

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international