Лідэр аб"яднаных дэмакратычных сіл Беларусі Аляксандр Мілінкевіч павіншаваў Праваабарончы цэнтр Вясна з 10-годдзем

2006 2006-04-26T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Шаноўная Вясна і вясноўцы!

Дазвольце павіншаваць Вас з 10-годдзем актыўнай праваабарончай дзейнасці і выказаць падзяку за Вашую адказную, цяжкую і небяспечную працу.

Як вядома, у сённяшніх умовах рэпрэсій, якія стасуе беларускі рэжым перш за ўсё супраць актывістаў дэмакратычнага руху, перад усімі, хто бярэ на сябе адказнасць за будучае нашай Беларусі, і асабліва перад праваабаронцамі і праваабарончымі арганізацыямі, стаяць надзвычай актуальныя і адказныя задачы. Адна з найважнейшых - абарона і дапамога кожнаму, хто не зважаючы на ціск і татальны кантроль, на пераслед, забароны і гвалт, нясе слова праўды і надзеі ў народ. І я магу сказаць, што Вясна, паспяхова пераадольваючы жорнавы рэпрэсіўнай уладнай машыны, вырашае гэтую задачу.

Беларускі рэжым імкнецца да ўласнага абсалюту, да татальнай, усеабдымнай улады. І ён не зацікаўлены ў захоўванні правоў чалавека. Бо правы чалавека абмяжоўваюць ягоную ўладу. І ў гэтым я бачу адзін з галоўных абавязкаў беларускіх праваабаронцаў - грамадскасць павінна адчуваць сябе абароненай і салідарнай, каб быць моцнай, бо толькі моцная і салідарная грамадскасць можа прымусіць уладу лічыцца з маральнымі і прававымі нормамі, якія абмяжоўваюць імкненне гэтай улады да татальнага кантролю над грамадствам.

Праваабарончы рух ёсць адным з неабходных складнікаў грамадзянскай супольнасці. Вы абараняеце чалавечую годнасць асобы, і гэта, сапраўды, шляхетная справа.

Ад усяго сэрца, шчыра зычу вам цвёрда стаяць у абароне кожнага, хто, змагаючыся з беззаконнем і ўседазволенасцю, патрабуе дапамогі, і быць у гэтай справе першымі, не зважаючы на ўдары лёсу.

Разам пераможам!
Жыве Беларусь!

Аляксандр Мілінкевіч,
лідэр аб’яднаных дэмакратычных сіл Беларусі

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international