viasna on patreon

Алесю Кіркевічу прад'яўлена абвінавачанне

2011 2011-04-02T20:43:00+0300 1970-01-01T03:00:00+0300 be
Гарадзенца вінавацяць ва ўдзеле ў "масавых беспарадках". Інфармацыя пра гэта з'явілася сёння на сайце Міністэрства ўнутраных справаў.

Паводле інфармацыі МУС, следства ўстанавіла, што дзеянні Кіркевіча, "выразившиеся в уничтожении имущества и насилии над личностью, были направлены на проникновение в Дом Правительства – административное здание государственного учреждения «Главное хозяйственное управление» Управления делами Президента Республики Беларусь".

На думку следства, віна Алеся Кіркевіча цалкам даказаная.

Зараз Кіркевіч і яго адвакат будуць знаёміцца з матэрыяламі крымінальнай справы, якая затым будзе перададзена ў суд.

Алесь Кіркевіч быў затрыманы ў Гродне 28 студзеня і адвезены ў следчы ізалятар КДБ у Мінску.

Да гэтага намеснік старшыні гарадзенскага Маладога фронту і яго жонка Надзея Крапівіна ўжо адсядзелі па некалькі сутак за ўдзел у Плошчы 19 снежня.

Паводле ч.2 арт.293 Крымінальнага кодэксу Кіркевічу пагражае ад 3 да 8 гадоў пазбаўлення волі.

Апошнія навіны

Партнёрства

Сяброўства