Улады хочуць пакараць Вячаслава Сіўчыка, які ў выніку затрыманьня на Кастрычніцкай плошчы трапіў у шпіталь з чэрапна-мазгавой траўмай і пазьбег адбыцьця арышту ў турме на Акрэсьціна.

2006 2006-04-18T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

17 красавіка Галіна Сіўчык, маці Вячаслава Сіўчыка, патэлефанавала журналістам і распавяла наступнае: у ейным пад'езьдзе зьявіліся людзі ў чорных скураных куртках. Яны сталі на лесьвіцы і ля вакна на пляцоўцы. Празь некалькі хвілінаў у кватэры пагасла сьвятло. Галіна Сіўчык выклікала электрыкаў ЖЭСу. Яна не адчыняла дзьвярэй кватэры, бо была ўпэўненая, што туды адразу ўвойдуць невядомыя.

Празь некалькі гадзінаў пад дзьвярыма зьявіліся некалькі байцоў спэцназу міліцыі. Адразу людзі ў цывільным пачалі званіць у кватэру і патрабаваць, каб адчынілі дзьверы. Ля пад'езду дому сталі два аўтамабілі.

А 9-й вечара да Галіны Сіўчык прыехалі Ірына Казуліна і Валеры Шчукін. Участковы інспэктар, якому дазволілі ўвайсьці ў кватэру, паказаў Галіне Сіўчык фатаздымак яе сына Вячаслава. Ён патлумачыў, што яго шукаюць як злачынцу.

"Цяпер у нас адчыненыя дзьверы і поўная пляцоўка людзей бяз формы і некалькі чалавек у форме спэцназу. Прыйшоў участковы, мы яго выклікалі, але ён нейкі бездапаможны. Кажуць, што ў маёй кватэры хаваецца злачынца," - распавяла спадарыня Галіна.

Вячаслава Сіўчыка, якога затрымалі за ўдзел у апазыцыйнай акцыі на Кастрычніцкай плошчы, хочуць затрымаць і накіраваць у суд. Пасьля затрыманьня ён трапіў у шпіталь з чэрапна-мазгавой траўмай і пазьбег адбыцьця арышту ў турме на Акрэсьціна, паведаміла радыё Свабода.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international