Віцебскі Чыгуначны раённы суд вярнуў адміністратыўны пратакол, складзены на кіраўніка мясцовага штабу А.Мілінкевіча Хрыстафора Жаляпава ў Чыгуначны райвыканкам на дапрацоўку

2006 2006-04-14T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Паўтара месяца таму, 28 лютага, загадчыца ідэалагічнага аддзелу Чыгуначнага райвыканкаму Віцебску склала пратакол на Хрыстафора Жаляпава, які нібыта незаконна ўстанавіў агітацыйны стэнд у цэнтры гораду. 14 красавіка гэты дакумент стаў прадметам судовай справы ў Чыгуначным райсудзе.

Упершыню падчас апошняй выбарчай кампаніі віцебскія чыноўнікі скарысталіся правам на складаньне адміністратыўных пратаколаў у адпаведнасьці з 234-м артыкулам адміністратыўнага заканадаўства: загадчыца ідэалагічнага аддзелу Чыгуначнага райвыканкаму Вольга Левіна абвінаваціла Хрыстафора Жаляпава, кіраўніка выбарчага штабу Аляксандра Мілінкевіча, у незаконнай агітацыі за кандыдата.

Прэтэнзіі спадарыні Левінай грунтаваліся на тым, што Хрыстафор Жаляпаў паставіў агітацыйны стэнд каля дому №28 па вуліцы Леніна, а гэтае месца не было вызначанае райвыканкамам для агітацыі.

Судзьдзя Людміла Лакеенкава далучыла да справы тлумачэньні кіраўнікоў ЦВК і Віцебскай гарадзкой выбарчай камісіі пра тое, што агітацыя можа праводзіцца ў любым месцы, калі на гэта няма адмысловае забароны, і вярнула пратакол у Чыгуначны райвыканкам на дапрацоўку.

Сваё меркаваньне наконт далейшага разьвіцьця падзеяў спадар Жаляпаў выказаў радыё Свабодзе: "Дзейнасьць кіраўніка ідэалагічнага аддзелу Чыгуначнага раёну была скіраваная на тое, каб перашкодзіць нашай агітацыйнай кампаніі за Мілінкевіча. Зьвярніце ўвагу: справу сёньня не спынілі.
Суд даў зразумець, што проста пратакол быў складзены непісьменна, і мяне яшчэ можна прыцягнуць да адказнасьці, склаўшы іншы пратакол. А можна ўсё скасаваць — вырашыць, што выбары ўжо прайшлі, і выбралі таго, каго было трэба, і цяпер ужо можна не турбавацца!"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international