Супраць актывіста вулічных апазіцыйных акцый Міхася Панкова супрацоўнікі міліцыі распачалі крымінальную справу

2006 2006-04-14T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

13 красавіка паплечнікі 23-гадовага Міхася Панкова даведаліся, што яго затрымалі супрацоўнікі міліцыі Савецкага раёну Менску. Ад 11 красавіка ён знаходзіцца ў ізалятары часовага ўтрыманьня па падозраньню ва ўхіленьні ад вайсковых абавязкаў. Сябры Міхася лічаць, што хлопца затрымалі менавіта з прычыны ягонага актыўнага ўдзелу ў вулічных акцыях апазыцыі.

Кіраўнік аддзелу дазнаньня Андрэй Солтан паведаміў Радыё Свабода, што крымінальную справу супраць Міхася Панкова распачалі паводле зьвестак, якія даслалі ў міліцыю супрацоўнікі вайсковага камітэту Савецкага раёну. Паводле яго, крымінальная справа супраць Міхася Панкова не зьвязана з палітычнай актыўнасьцю выпускніка юрфаку. Сьледчы распавёў, што акрамя Міхася ў "чорным сьпісе" ёсьць прозьвішчы васьмі маладых людзей, якія ўхіляюцца ад службы ў войску: "Я абсалютна не зьвязваю Міхаіла Панкова ні з якой палітыкай. Я абыякава стаўлюся да ягоных поглядаў на канстытуцыйны лад Рэспублікі Беларусь. У вайсковым камітэце ёсьць асабовая справа кожнага прызыўніка, паводле якой прызыўнік мусіць прайсьці працэдуру прызыву, якая, апроч пункту пра вайсковы абавязак, складаецца з шматлікіх пунктаў".

14 красавіка стане вядома, якую меру стрыманьня абярэ сьледства - падпіска пра нявыезд ці арышт.

Аналагічная справа заведзена супраць актывіста незарэгістраванага моладзевага руху "Зубр" Мікіты Сасіма ў Баранавічах.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international