Намесьніцу старшыні Аб'яднанай грамадзянскай партыі Людмілу Гразнову выклікалі ў пракуратуру Савецкага раёну Менску і папярэдзілі пра крымінальную адказнасьць за "заведама ілжывы данос".

2006 2006-04-13T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Так расцанілі выказваньні праваабаронцы на інтэрнэт-сайце "Хартыі-97", дзе яна казала пра грубую фальсыфікацыю вынікаў выбараў, масавыя арышты і зьбіцьцё дэманстрантаў.

Сьледчы пракуратуры Савецкага раёну Аляксандар Агафонаў папрасіў Людмілу Гразнову даць пісьмовыя тлумачэньні наконт яе інтэрвію сайту "Хартыі-97" (charter97.org). 25 сакавіка яна казала аб тым, што вынікі выбараў былі груба сфальсіфікаваныя. Яна таксама распавяла пра масавыя арышты і зьбіцьцё дэманстрантаў. Людміла Гразнова лічыць, што найбольш пракуратуру зацікавілі яе выказваньні наконт ролі расейскага прэзыдэнта Ўладзімера Пуціна: "Іх узбудзіла самае апошняе ў маім сказе. Тое, што, калі за сьпінай Лукашэнкі стаіць Пуцін, то ён павінен несьці адказнасьць. Гэта самае асноўнае, што нам пагражае — страта незалежнасьці й сувэрэнітэту. Яны ўхапіліся за гэтую фразу, каб заткнуць мне рот".

Сьледчы Аляксандар Агафонаў прасіў Людмілу Гразнову падаць доказы фальсіфікацыі выбараў, а таксама таго, што ў краіне былі масавыя арышты і зьбіцьцё дэманстрантаў падчас выбарчай кампаніі. Яна спаслалася на шматлікія інфармацыйныя інтэрнэт-сайты і на інфармацыю ў незалежных і замежных СМІ.

Актывістка апазыцыі выказала меркаваньне радыё Свабодзе, што яе выклікалі ў пракуратуру дзеля запалохваньня: "Напярэдадні Чарнобыльскага шляху і масавых акцыяў яны выкарыстоўваюць гэты правераны прыём, каб запалохаць палітыкаў".
Сьледчы папярэдзіў Людмілу Гразнову, што ёй пагражае крымінальная адказнасьць за "заведама ілжывы данос".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international