Новыя адміністратыўныя арышты апазіцыянераў: Цэнтральны суд пакараў удзельнікаў мітынгу пратэсту супраць інагурацыі Аляксандра Лукашэнкі Юрася Беленькага, Уладзімера Богача, Уладзімера Мікалаева, Эдуарда Бокага і Ільлю Шыманскага

2006 2006-04-12T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

10 красавіка ў Цэнтральным судзе Менску былі асуджаныя ўдзельнікі мітынгу пратэсту супраць інагурацыі Аляксандра Лукашэнкі. Усе пяцёра пакараныя арыштам – ад 15 да 10 сутак. Максімальны тэрмін адміністратыўнага арышту атрымаў намесьнік старшыні КХП БНФ, былы дэпутат Вярхоўнага Савета Юрась Беленькі, якога прызналі вінаватым у арганізацыі 7 красавіка на Кастрычніцкай плошчы несанкцыянаванай акцыі. У судзе палітык не аспрэчваў, што падчас мітынгу выказваў журналістам і людзям сваё стаўленьне да мінулых выбараў.
У той дзень людзі выйшлі з плакатамі: "За новыя выбары", "Фальсіфікатар – не прэзідэнт", "За вольную Беларусь" і "Не – фашызму!" Удзельнікаў мітынгу амапаўцы затрымлівалі ў розных месцах – адных ля цырку, іншых побач з Нямігай. Намесьніка старшыні партыі КХП БНФ Юрася Беленькага схапілі ў пад’езьдзе дому ля плошчы Перамогі.

Пастанову аб арышце палітыка прыняў судзьдзя Аляксей Бычко. Ён таксама асудзіў на 10 сутак актывіста КХП БНФ Эдуарда Бокага і на 15 сутак – Ільлю Шыманскага.
Студэнт Уладзімер Богач у судзе не адмаўляў, што прыйшоў на плошчу, каб выказаць пратэст супраць трэцяга прэзыдэнцкага тэрміну Аляксандра Лукашэнкі, і быў пакараны 10 суткамі арышту.
Уладзімер Мікалаеў таксама пацьвердзіў, што сьвядома далучыўся да мітынгоўцаў і трымаў у руках бел-чырвона-белы сьцяг. Студэнта пакаралі 15 суткамі арышту.

Супраць Юрася Беленькага ды іншых мітынгоўцаў сьведчылі амапаўцы Сяргей Герман, Ігар Зінкевіч, Зьміцер Субач, Максім Казакоў, паведаміла радыё Свабода.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international