Ваўкавыскія актывісты Віталь Гуляк і Віктар Войтчук напісалі скаргу генеральнаму пракурору на дзеяньні ваўкавыскай міліцыі і пракуратуры.

Падчас выбарчай кампаніі ў кватэрах актывістаў правялі вобыскі з прычыны зьяўленьня ў Ваўкавыску палітычнымі графіці. Як пазьней высьветлілася, спадары Гуляк і Войтчук ня маюць да гэтага дачыненьня, таму цяпер яны спрабуюць дамагчыся адказу на пытаньне: на якой падставе ваўкавыскі пракурор даў санкцыю абшукаць іхныя кватэры.