viasna on patreon

Ацэнкі беларускіх праваабаронцаў прагучалі падчас прэзентацыі дакладу Human Rights Watch па Беларусі (+ даклад)

2011 2011-03-16T12:45:30+0200 1970-01-01T03:00:00+0300 be https://spring96.org/files/images/sources/a_bialiacki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Кіраўнік “Вясны” Алесь Бяляцкі

Кіраўнік “Вясны” Алесь Бяляцкі

Міжнародная праваабарончая арганізацыя Human Rights Watch уключыла факты пераследу Праваабарончага цэнтру “Вясна” пасля снежаньскіх падзеяў у свой даклад “Няздзейсненыя надзеі: рэпрэсіі ў Беларусі пасля прэзідэнцкіх выбараў-2010”, апублікаваны 12 сакавіка. Расійскі офіс Human Rights Watch прэзентаваў даклад 14 сакавіка у Маскве, куды быў запрошаны кіраўнік “Вясны”. Падчас прэзентацыі Алесь Бяляцкі прадставіў сваю ацэнку сітуацыі з правамі чалавека ў Беларусі за апошнія некалькі месяцаў.    

Беларускія праваабаронцы дапамагалі ў правядзенні даследванняў экспертам Human Rights Watch, якія працавалі ў Менску ў лютым бягучага году. Інфармацыя, прадстаўленая  міжнародным даследчыкам, утрымлівала і факты рэспрэсіяў у дачыненні да саміх беларускіх праваабаронцаў. Гэтыя звесткі ўвайшлі ў даклад.

У раздзеле “Ціск на грамадзянскую супольнасць” зафіксаваны факты ганенняў на грамадзянскія групы. У тым ліку ператрус з канфіскацыяй тэхнікі , затрыманнем супрацоўнікаў і паўторны напад праваахоўнікаў на офіс ПЦ “Вясна” 20 снежня, студзеньскія ператрусы цэнтральнага і пяці рэгіянальных офісаў арганізацыі. Таксама ў дакладзе зафіксавана папярэджанне Алесю Бяляцкаму за дзейнасць ад імя незарэгіcтраванай арганізацыі, вынесенае Генпракуратурай у мінулым месяцы.

У сваіх рэкамендацыях Human Rights Watch патрабуе ад беларускіх ўладаў у тым ліку і спынення ціску на грамадзянскую супольнасць краіны.

«Цягам  больш дзесяці гадоў беларускія ўлады паслядоўна ўзмацнялі ціск на грамадзянскую супольнасць, - зазначыла дырэктар расійскага офіса Human Rights Watch Ганна Севарцьян на прэзентацыі даклада. - Хваля рэпрэсій, якая пачалася ў краіне пасля снежаньскіх выбараў, стварыла крызісную сітуацыю з правамі чалавека, якая патрабуе рашучага рэагавання з боку ААН».

Human Rights Watch і яшчэ 130 міжнародных і нацыянальных няўрадавых арганізацый і актывістаў заклікалі Савет ААН па правах чалавека выступіць з жорсткімі патрабаваннямі на адрас беларускіх уладаў.

Даклад Human Rights Watch па Беларусі 2011

Файлы

Апошнія навіны

Партнёрства

Сяброўства