Журналіста Рацыі Міколу Бянько запрашаюць у мінскі РУУС

2011 2011-02-09T15:24:00+0200 1970-01-01T03:00:00+0300 be

Журналісту Радыё Рацыя Міколу Бянько патэлефанаваў незнаёмы чалавек і запрасіў на размову ў Маскоўскае РУУС горада Мінска.

У адказ на просьбу прадставіцца і назваць сваё званне суразмоўца сказаў, што ён маёр міліцыі Аляксандр Васільевіч, але прозвішча назваць адмовіўся. Па словах журналіста, у яго спрабавалі дазнацца месца пражывання ў Гомелі, а з самой гутаркі вынікае, што з яго хочуць узяць адбіткі пальцаў:

– 24 студзеня мяне ўжо выклікалі на допыт. Я меў размову, якая скончылася без складання пратакола – там я ўжо фігураваў як сведка па крымінальнай справе аб масавых беспарадках. Цяпер я не ведаю, кім я фігурую, таму што Аляксандр Васільевіч так і не сказаў да канца. Магчыма, я таксама сведка па нейкай крымінальнай справе, бо яны спрабуюць мяне выклікаць на размову па законе аб масавай дактыласкапіі. Я папрасіў не дапускаць памылак і напісаць позву па адрасе маёй рэальнай прапіскі і ўказаць, што я выклікаюся не ў якасці нейкага там сведкі па надуманай крымінальнай справе, а рэальна пазначыць, што я выклікаюся па законе аб масавай дактыласкапіі.

Журналіст зазначае, што лічыць абуральнай практыку шырокага прыцягнення да здачы адбіткаў пальцаў ваенна-абавязанага насельніцтва, і называе гэта тэрарызмам у дачыненні да беларускага грамадства.

Два тыдні таму журналіст быў на размове ў Фрунзенскім РУУС беларускай сталіцы.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international