Ад грамадзкага актывіста з Бярозаўкі (Лідскі раён) Аляксандра Цішука мясцовыя міліцыянты патрабавалі пісьмовых паказаньняў наконт прабываньня ў Менску

25 сакавіка ў дзень Волі Аляксандр Цішук быў моцна збіты падчас мірнай дэманстрацыі ў Менску. Ён патрапіў у 4-ую клінічную бальніцу Менску, дзе яму была аказана дапамога. Уначы з дапамогай знаёмых яму ўдалося з’ехаць дадому. Цяпер стан здароўя яго адносна нармалізаваўся.

31 сакавіка Аляксандру Цішуку міліцыянты прапанавалі паехаць у міліцыю для дачы пісьмовых паказанняў наконт ягонай паездкі ў Менск, але ён адмовіўся. "Амаль гадзіну пяць міліцынтаў дзяжурылі каля хаты, па незразумелай прычыне быў адключаны хатні тэлефон, і я ўпэўнены, што ён увесь час праслухоўваецца" - распавёў ПАГОНІ актывіст.